Age Cymru yn Ymateb i'r cyhoeddiad y bydd Taliadau Tanwydd Gaeaf yn cael eu hadfer i bensiynwyr ag incwm o £35,000 neu lai

Dywedodd Heather Ferguson, Pennaeth Polisi a Phrosiectau yn Age Cymru: “Mae cyhoeddiad Llywodraeth y DU ar Daliad Tanwydd Gaeaf yn gwneud hwn yn ddiwrnod da i bobl hŷn ledled Cymru. 

“Y penderfyniad i adfer y Taliad Tanwydd Gaeaf i bensiynwyr - pawb ac eithrio'r rhai ar yr incwm uchaf a ddylai allu talu eu biliau gwresogi hebddo - yw'r peth iawn i'w wneud a rhywbeth a fydd yn dod â rhywfaint o sicrwydd sydd ei angen yn fawr i bobl hŷn a'u teuluoedd. 

"Wrth gwrs, byddai wedi bod yn llawer gwell pe bai Llywodraeth y DU wedi cymryd y dull hwn yr haf diwethaf, ond rydym yn falch ei fod yn golygu y gall pobl hŷn yng Nghymru edrych ymlaen at y gaeaf sydd i ddod gyda mwy o hyder. Bydd hyn yn rhyddhad enfawr i lawer ohonynt ac i ni yn Age Cymru hefyd. 

“Gwelsom y canlyniadau yn y gaeaf sydd newydd fynd, gyda llawer o bensiynwyr ar incwm isel a chymedrol ddim hyd yn oed yn ceisio cadw eu cartrefi'n ddigon cynnes, rhag ofn rhedeg bil uchel iawn. Rhaid inni osgoi ailadrodd eleni, ac os yw Llywodraeth y DU am adnewyddu ei pholisi mewn ffordd sy'n cyflawni hyn, byddwn yn falch a bydd yn rhyddhad. 

"Hoffem fynegi ein diolchgarwch i dros 30,000 o bobl yng Nghymru a lofnododd ddeisebau, a ysgrifennodd at eu Haelodau Seneddol  ac Aelodau Senedd ac a gymerodd gamau eraill i annog Llywodraeth y DU i newid cwrs. Siaradoch chi, gwrandawon nhw."