Yn ystod yr hydref, helpwch ni i gefnogi pobl hŷn ledled Cymru.

Ymunwch a’r Cam Mawr a cherddwch, rhedwch neu seiclwch 185 milltir yn ystod mis Medi a mis Hydref, a helpwch ni i gefnogi pobl hŷn sydd angen ein help.

Gyda’ch cefnogaeth chi, fedrwn ni ddarparu gwasanaethau hanfodol fel ein gwasanaeth ffrind dros y ffôn a Chyngor Age Cymru, sy’n cefnogi pobl ledled Cymru.
________________________________________

Pam fod hyn yn bwysig?

Ar hyn o byrd, mae mwy na hanner y bobl hŷn yng Nghymru (52%) yn dweud eu bod nhw’n methu ymdopi gyda chostau byw cynyddol, mynd heb hanfodion fel bwyd ac ynni, ac yn gweld eisiau gwneud pethau bychain fel cwrdd â ffrind i fwynhau paned. I bobl sy’n byw gydag anableddau neu gyflyrau iechyd, mae’r her hyn yn oed yn fwy difrifol.

Er bod yna help ar gael, mae nifer ar eu colled. Ledled Cymru, mae gwerth miliynau o bunnoedd o fudd-daliadau fel Credyd Pensiwn yn mynd heb eu hawlio bob blwyddyn - a gallai’r gefnogaeth hynny helpu i leihau pwysau ariannol ac arwain at fathau eraill o gefnogaeth. Ond mae stigma, cymhlethdod a mynediad yn rhwystro nifer rhag dod o hyd i help.

Mae ymgyrchoedd codi arian yn ein helpu ni i fynd i’r afael a’r problemau hyn - cynnig cyngor, sefydlu cysylltiadau, a llais cyfeillgar i ddarparu help.

Beth rydyn ni’n ei wneud i helpu?

Llynedd, gwnaeth ein gwasanaeth Cyngor Age Cymru helpu i ddatrys mwy na 41,000 o broblemau ar gyfer pobl hŷn, eu teuluoedd a’u gofalwyr ledled Cymru, a gwnaethon ni 12,000 o alwadau i bobl hŷn unig drwy ein gwasanaeth cyfeillgarwch. Rydyn ni hefyd yn cefnogi hawliau ac achosion pobl hŷn ledled y wlad. Mae ein Hagenda ar gyfer y Llywodraeth yn nodi’r prif faterion rydyn ni’n galw ar y Llywodraeth i roi sylw iddynt.

Gyda phob cam a phob punt rydych chi'n eu codi ar ein cyfer, gallwch ein helpu i gyrraedd mwy o bobl sydd angen ein cymorth yn daer.

Sut fedrwch chi gymryd rhan yn Y Cam Mawr?